Menu
🐯🌴🥥 ECHTE VROUWLUUJ IN DE JUNGLE 🐯🌴🥥
YESSS, ut is weer bienao zao wied! 🎉 Nao ‘t geweldige succes van vuuerig jaor steit d’r weer ein gloednuuje editie óp de planning. Óp Vriedig 21 November 2025 vèrangerdj Dörpshoes d’n Driehook in eine tropische jungle vól meziek, gezelligheid en vrouwluuj! 💃🏽
🦒 Waat kindj ger verwachte?
* Optraejes van tè gekke artiesten 🎶
* Tombola mèt toffe prieze 🎁
* Èn natuurlijk: eine zaal vól vrouwluuj in de sjiekste jungle outfits 🐆
👉 Haoj ozze socials in de gate, want de kómmendje waeke make we dees artiesten ein vuuer ein bekindj! 🥰
Dus… trommel dien vriendinne op, trék dien panterprint of tijgerstreepe oet de kast en gaontj mèt os mit de jungle in! 🐊🦁🦒🐘🦍
‘T begos allemaol op zaoterdig 11-11-2017, we woeare biej de knip de 11e van de 11e aan ‘t vieren toen Ralph Kessels (tieëgenwuuerdig de officiële besjermhieër van de Bacchusklup) nao ôs haer kwoeam mèt ‘t idee om un Bacchusklup op te richten. Hae merkdje det de get aojere jeugd van Wèssem väöl nao de groeatere steeje triktj tiedens de vastelaovendj en vonj dit erg jaomer. In Wèssem woear nog neet un klupke vuuer dees jeugd en zo kwoeam hae mèt ‘t idee vuuer un Bacchusklup. D’r waerdje get gedronke en oetgezocht waat dit noe eigenlijk inhaojd. Väöl tied om nao te dinke haaje we neet want nog gein 24 oer later stong Ralph alweer vuuer de duuer mèt versjillende ideeën. Wae get man biej ein gezocht en zo kwoeame we op un klein klupke van 8 jong men. We haaje t oetroope op 5 januari 2018 gepland staon en haaje dus hieël weinig tied om ôs vuuer te bereiden. Mèt väöl hulp oet väöl versjillende richtingen is ‘t ôs toch gelöktj en höbbe wae Bacchus Tino I mit adjudant Stan mooge vuuerstille aan de Wèssemse gemeinsjap. Un jaor later kinne we vaststille det ‘t hieël erg laeftj in Wèssem en höbbe we ôs klup oetgebreid nao 19 leden. Auch zeen ôs evenementen enorm gegruudj, loupe d’r hieël väöl minse mèt dees daag mèt un Bacchussjaal van Wèssem en door ’t hieël dörp hange Bacchusvlaggen. Hiej zeen wae gruuets op!
